Popular Bible Verses from 2 Timɔtɛ́ɛ 4

Share

Ŋ kɑ kɛ́ ḿbɔ́ ḿmɑꞋ yɑ́ɑ pɔ ntsɔ sʉ́Ꞌnɛ, ŋ kɑ kʉɔ ndʉ́ɔlɛ́ tɛ ŋ́kúu ndẅiklɛ. Ŋ kɑ kɛ́ ḿbɔ́ ńzɑ́p pɔ tʉ́m nǔu Yɛ́su.

«Sɑ́Ꞌ Ŋkʉʉ Sʉ́Ꞌnɛ-Sɛ́, ńtsuŋ ńzɛ́plɛ ŋkɑ́ yi pʉɔ kɔŋnɛ nɛzúꞋ, kɛ mbɑ ŋkɑ́ yi pɔ́p ŋ́kɔŋ nɛzúꞋ pɔ́, ɔ sɑ́Ꞌ sɑ́Ꞌnɛ. Ŋu fɑɑnɛ nu ɔ kɑkŋɛ wɛ́, ɛ́sɑ́Ꞌ ńdɔk ḿbɑpmɛ wɔ́p, ɛ́sɑ́Ꞌ ńdɔk ńníꞋ mɛtʉʉ mɔ́p. Kɑ́t ŋ́ɡɛ pɔ́Ꞌɔ, ńdɔk sʉktʉ́m ńzíꞋ pʉɔ nɛ́ yúu.

N cú mbíꞋŋɡɔ yɛcɔ́ ŋkɑ́ ɡʉ ŋ́ɡɛ ḿbɔ́, pʉɔ pɔɔ pɛn ŋ́kɔŋ nɛzẅíꞋlɛ nu nɛ́nẅín yi pɛ́ zíꞋnɛ nǔu Yɛ́su Kɛlístɔ pɔ́, lɑ́ pɑ́Ꞌ pɔ́p kɔŋ nɛzẅíꞋlɛ pɔ nu yi tʉ́m yɔ́p tsɑ́ɑnɛ lɑ́, ńdɔɔ pɔ́p pɑzíꞋ wɔ́p nɛ́ yúu tɛ ɛ́ zɑ́ɑ zɑ́ɑnɛ. Pɔ́p zíꞋ wɔ́p nɛ́ nu yi pɔ́p kɔŋ nɛzúꞋ. Pɔ́Ꞌɔ lɑ́, pɔ́p zʉʉnɛ mɛtúutɛ́ mɔ́p, ńtsʉ́Ꞌ ńzẅíꞋlɛ pɔ mɛnu-mɑ́pitsɔ́Ꞌ.»

Lɑ́ ŋ́ɡʉ nǔu ɡu, ɡɛ yú mbɑ kʉ̈ɔ́ lɑ́ ɛ́ kuꞋ kuꞋnɛ. Ŋɡʉ̈ɔ́Ꞌ kúu wú ɔ sʉk sʉknɛ. Kɛ́ ḿbɔ́ ɛ́fɑꞋ pɔ fɑꞋ yú yi ɛ́ nɛcẅi Ŋkʉʉ Sʉ́Ꞌnɛ-Sɛ́ mbɔ̌ pʉɔ. Ɛ́fɑꞋ fɑꞋ-Sɛ́ yi ɔ nǔu sʉ́Ꞌnɛ.

Ɛ́ nǔu ŋkɔ̂ɔnɛ, mbɔ tsɔ́ꞋfɑꞋ yi pɛ́ ɡɑ́nɛ mbɔ̌ ŋu ẅí ɑ kʉɔnɛ ndʉ́ɔlɛ́ tɛ ńjʉ́ sɛ́ ḿbyɛ́p wɑ́ɑ. Yîyɑ́ tsɔ́ꞋfɑꞋ ɛ́ pɑ́Ꞌ ŋ ɡɛnɛ nu yi ɛ́ ndʉ́ŋndʉŋ. Tsɑpʉɔ ẅi ɑ zɑꞋnɛ ntsɑŋ pɔ ndʉ́ŋndʉŋ, ɑ ŋ́ɡɛ ŋ́ɡɑ́ mbɔ̌ mɔ nǔu lɛ́Ꞌ yi ɑ ɡʉ ńzɑ́Ꞌ mɛtsɑŋ. A kɛ́ lɑ́Ꞌ ŋ́ɡɑ́ pɔ ndɑꞋ mbɔ̌ mɔ pɔ́. A ɡʉ ńdɑ́Ꞌ ḿbɛn ŋ́ɡɑ́ mbɑ mbɔ̌ pʉɔ pi pɔ́p sɛ́ ńtsɑ́ɑ nɛjʉ́ɔ ŋkɑ́ yi ɑ ŋ́ɡɛ ńcẅɛt.