Popular Bible Verses from 1 Kɔlɛ̂ŋtɛ 6

Share

Pʉʉ kɑ́ pɔ́ ńjí ŋɡɔ mbʉʉ yʉʉ ndɑ́-Zẅikŋɛ Lɛ́ɛnɛ́nɛ pɔ́ kíi? Yîyɑ́ Zẅikŋɛ tsẅɛ́ tsɛtú, mbɔ Sɛ́ kɑ ɡɑ́nɛ mbɔ̌ pʉʉ. Pʉʉ pɔɔnɛ ɡẅɛɛ túmbʉʉ yʉ́ʉ pɔ́. Sɛ́ kɑ ɡɑ́nɛ yúu ńdɔk ɛ́fú ndɑ́-kwɑɑ ńtsúꞋ wʉ́ʉ. Pʉʉ kɛ́ ńdɔk pɔ mbʉʉ yʉʉ ŋ́ɡɑ́ mɛkuꞋ mbɔ̌ Sɛ́.

Pʉʉ kɑ pɔ́ ńjí ŋɡɔ pʉɔ pi pɔ́p ɡẅɛɛnɛ mɑt kɛpɔŋ pɔ́p kɛ́ lɑ́Ꞌ ŋ́ɡẅɛɛ yɔ́p zʉꞋ tsɛt nu-nɛfɔɔ-Sɛ́ pɔ́ kɛ? N dɑꞋ pʉɔ pɑ́Ꞌ pi pɔ́p puutɛ mbɑ wɔ̌ lɑ́ pɔ́p pɛpɔ́p nɔɔ nɔɔnɛ, mbɑ pʉɔ pi pɔ́p ɡúꞋlɛ́nɛ yúu ŋɡɔ ɛ́ mɛsɛ́, mbɑ mbɛ́ɛnɛ pɔ́p pɑŋɡɛ́ pi pɔ́p ɡɛnɛ ɡɑp, mbɑ pɑɡɛ mɛnu shẅɛtshẅɛtnɛ, mbɑ mbɛ́ɛnɛ yi ɛ́ shɔtnɛ́nɛ ŋ́ɡɛ nu-ŋu mbɛ́ɛnɛ pɔ́p mɑŋɡɛ́ tsɛtsɛt pɔ́p kɛ pɑŋɡɛ́ ɔɔ, mbɑ pɛtsɔ́ŋ, kɛ pɑkɔŋ ŋkɑ́p tɛꞋ, pɔ́p pɛpɑ́lɛ́-mɛluꞋ, pɔ́p pɑsẅíŋɛ kɛpɔŋ nǔu mɛlík-pʉɔ, pɔ́p pɑɡẅɛɛ ńcẅɛ́ɛ, líkcɔ́ pʉʉ fúklɛ mbʉʉ yʉʉ nǔu mɔnɛ mɛnu kíi, pîpɑ́ pʉɔ kɛ́ lɑ́Ꞌ ŋ́kúu nǔu nu-nɛfɔɔ-Sɛ́ pɔ́.

Pʉʉ niitɛ ḿbɑ́ɑ nɛlɔk mbʉʉ yʉʉ ŋ́ɡɛ kʉ̈ɔ́ lɑ́ yi pʉʉ kɔŋnɛ. Mɛcɔ́ mɛnu kɛpɔŋ mi pʉɔmɛsɔŋ ɡɛnɛ, ɛ́ nǔu pɔ́p ḿbɔ́ pɔ nzɛmpíi. Lɑ́ ḿbɔ́ yi ŋu lɑɑ ńdɔk mbʉʉ yɛ́ ŋ́ɡɛ kʉ̈ɔ́ lɑ́, mbɔ ɑ shɔtnɛ ŋ́ɡɛ nu kɛpɔŋ pɔ nǔu yɛ́.

Pɛcɔ́ pʉɔ tsɛtsɛt pʉʉ, mbɑ wɔ̌ lɑ́ nǔu pɔ́p pɔ́ ńcú ŋɡɔ ɑ ŋ́ɡɛ yɛ́ kʉ̈ɔ́ lɑ́ ḿbɔ́ kɛ́ pɔ́k nɛpʉ́ʉ. Ɛ́ nu lɑ́ yúu tsʉʉ kɑ́ cẅɛ́lɛ́ pɔ́. Ɛ́ nu ŋɡɔ m bɔ́ ŋ́ɡɛ kʉ̈ɔ́ lɑ́ ḿbɔ́ kɛ́ pɔ́k nɛpʉ́ʉ. Lɑ́ m bɔ́ ŋ́kɛ́ mbɔɔ pɛ́m yɛcɔ́ yúu lɔk wɑ́ɑ ŋ́ɡɛ ŋkwɑɑ wɛ pɔ́.

Líkcɔ́ pʉʉ likŋɛ ŋɡɔ Sɛ́ ẅi ɑ kɑ zẅíimɛ́nɛ Tsɑpʉɔ nǔu nɛvú, ɑ ɡʉ ŋ́ɡɛ ńdɔk mɛtʉʉ mɛ́ ḿbɛn zẅíimɛ wɛkŋɛ ɡúu nǔu nɛvú.