Popular Bible Verses from SOFONÍAS 3

Share

Mandaj Diosca cancunapaj chaupipimari, paica tucuita rurai tucuj cashcamantaca cancunataca quishpichingami. Cancunamantaca Mandaj Diosca cushicungamari. Paica c'uyashcamantaca upallangamari. Cancunamantaca cushicushpami paica cantanga.

Chai punllacunapica, cancunataca ñucami pushamusha. Chai punllacunapica, cancunataca ñucami tandachisha. Cancuna ricucunpi prezumanta cacharichishpami, tucui cai pachapi tiyaj llajtacunapi causajcuna rijsishca cachun, alli nishca cachun caipica churasha” ninmi Mandaj Diosca.

Mandaj Diosca, cancunata llaquichinataca anchuchishcamari. Cancunata p'iñajcunatapish canllamanmari llujshichishca. Mandaj Diosca, israelcunapaj chaupipi Jatun Mandajmari. Chaimanta ima llaquitapish mana cutin ricunguichijchu.

Chai punllacunapica cancunata llaquichijcunamanca, ñucami paicuna japina cashcata cusha. Patojocunatapish quishpichishami, chingarishca puricujcunatapish tandachishami. Cancunataca alli nishca cachunpish, tucui cai pachapi rijsishca cachunpishmi caipica churasha.