Popular Bible Verses from MATEO 12

Share

Chashna cajpipish: Gentecunaca maipish cachun rimashcacunataca, imalla rurashcata Taita Dios tapucui punllapimi imamanta chashna rimashcataca paicunallataj huillacungacuna. Chai punllapica, cambaj shimi allita rimaj cashca cashpaca, alli nishcami cangui. Cambaj shimi mana allita rimaj cashca cashpaca, llaquichishcami cangui” nircami.

¡Culebrapaj huahua huahuacuna! Cancunallataj millai cashpaca ¿ima shinataj allitaca rimai tucunguichigari? Shungupi junda tiyashcatami shimica riman.

Alli runaca, imapish allicunallata paipaj shungupi huaquichishca cashpami, alli sumajcunallata llujshichin. Mana alli runaca imapish mana allicunallata paipaj shungupi huaquichishca cashpami mana alli millaicunallata llujshichin.

Chaimantami cancunamanca cashna nini: Tucui juchacunata, p'iñashpa c'amishcacunataca Taita Diosca perdonangami. Ashtahuanpish jucha illaj Espirituta p'iñashpa c'amishcataca, manataj perdonangachu.

Alli yura cajpica, alli granomi p'ucun. Mana alli yura cajpica, mana alli granomi p'ucun. Ima yura cashcataca granota p'ucujpimi rijsinchij.