Popular Bible Verses from GÉNESIS 50

Share

Cancunaca ñucata llaquichinatatajmari yuyarcanguichij. Ashtahuanpish cunan ñucanchij ricucunta rurangapajmari Taita Dios chashna rurachishca. Achca gentecuna causaiyuj catichunmi cashna rurashca.

Chaipimi Joseca: –Ama manchaichijchu. Ñucaca Taita Diospaj randi llaquichij cashpatajmari llaquichishari.

Cunanca ama manchaichijchu. Cancunamanpish, cancunapaj huahuacunamanpish ñucami carasha– nishpami, Joseca paipaj huauquicunataca shunguman yaicujta rimashpa cushichirca.

Josetaca cashna ninguichij: Cambaj huauquicuna canta mana allita rurashcataca perdonangui nishpami rogarca. Chaimanta cunanca pai nishca shinallataj cambaj yayapaj Taita Diospajta rurajcuna canta mana allita rurashcataca perdonapai nichunmi cacharca”. Chashna nijpica Joseca huacarcami.

Shuj punllaca Joseca paipaj huauquicunataca: “Ñucaca ñami huañugrini. Taita Dios cancunata ricuj shamushpami, cancunataca cai llajtamanta huichiyachishpa Abrahamman, Isaacman, Jacobman cushatajmi nishca llajtaman pushanga” nircami.

Joseca Israelpaj churicunataca: “Taita Diosca cancunataca ricuj shamungatajmi. Chaipica cancunaca ñuca tullucunataca apashpa ringuichij” nishpami ari nichirca.

Joseca, 110 huatacunayuj cashpami huañurca. Paitaca sumaj mishquijllata ashnaj jambicunahuan churashpami, shuj ataudpi churashpa Egiptopi churarcacuna.