Popular Bible Verses from GÉNESIS 41

Share

Chaimi Joseca faraonmanca: –Chaitaca mana ñucachu huillai tucuni. Ashtahuanpish Taita Diosmari chai imata nisha nishcataca can faraonpaj allipaj huillachinga– nirca.

faraonca paita ayudajcunataca: –Taita Diospaj espirituta charij cai runa shina pi shujtajtaca mana japishunchu– nirca.

Faraonca Josetaca: –Tucui caicunataca Taita Diosmari canmanca yachachishca. Chaimanta can shina alli yachaj, alli yuyaiyujca pi mana tiyanchu. Ñuca huasitaca canmi mandangui. Tucui ñuca mandacun llajtami can mandashcata cazungacuna. Jatun tiyarinallapimi ñucalla tiyasha– nircami.

Q'uipa churitaca Efraintami shutichirca. Paica: “Taita Diosca ñucataca llaquita apacushca llajtapimari churicunayujta rurahuan” nishpami, chashna shutichirca.

Joseca, punta churitaca Manasestami shutichirca. Paica: “Taita Diosca ñuca llaquicunataca cungachircami. Ñuca huasi ucupuracunatapish cungachircami” nishpami, chashna shutichirca.