Popular Bible Verses from Esikeel 3

Share

Ke ini ami mbooho awo ibak, ‘Ke akpanikọ afo uduutreke adikpa,’ ndin afo udʌttọ ammọ utọñ, unyʌññọ usio uyio nọ ammọ esịññe idem ekpọñ idiọọk usʌñ ammọ, nọ ato do enịm uwem ammọ, idiọọk awo ado ayaakpa ke ntak idiọọkñkpọ amọ, ndin ami ñyaayem iyiib ammọ nto ubọk mfo.

Ado adieke afo adʌttọ awo ibak utọñ, ndin ammọ ikpọññọ ibak uwem me ndiọi usʌñ ammọ, ammọ eyaekpa ke ntak idiọọkñkpọ ammọ; ado afo ayaanyaaña idem mfo.”

“Ayịn awo, ami mmunịm fiin nte awoukpeme nnọ mbon Isrel; ke ntoro kop ikọ se ami ntañ nyʌñ dat ado dʌt ammọ utọñ.

“Ñko, adinen awo amaawuọ akpọñ usʌñ eti ido ammọ anyʌñ anam idiọọk, ndin ami mben ñkpọ iduọ nnịm ammọ ke iso, ammọ eyaekpa. Sia afo umuunọọhọ ammọ item, ammọ eyaekpa ke ntak idiọọkñkpọ ammọ. Awo idiitoiyoke ndinen ñkpọ a-awo ado akenamma, ndin ami ñyaayem iyiib ammọ nto ubọk mfo.