Popular Bible Verses from Ñwed Mbon Efisọs 4

Share

Ifọn ido inyʌñ ikop mbọm ibaña emọ-emọ, ifeen inọ emọ-emọ kpa naña Abasi akefeen inọọ ndufo ke Krais.

Isuuhọ idem ataa afịd-afịd, inyʌñ iba emem-emem; inie ime, iyọ emọ-emọ ke ima.

Ikiiyak idiọọk ikọ ndomokeed iwuọ ndufo ke inua, ado yak ado se ikan inwam adisọọñọ mme awo idem ke unana ammọ, nọ mbon e-ekpañña utọñ ebọ ufọn ñko.

Itoomo afịd idiọọkesịd, abom ye iyadesịd, anwan ye ikọ, adidọk ye afịd udod awo uyio iduọọñọ.

“Ikiinam iyadesịd inam ndufo enam idiọọkñkpọ.” Ikiiyak utịn asuuhọ adisịme ndufo naña esʌk eyayat esịd, ñko ikiinyʌñ inọọ andidiọọk ndomo mbeñe ufañ adiboiyo ndʌk.

Ke abaña ñkaan eduuwem ndufo, emaikpeep ndufo ete eduọñọ ñkaan eduuwem ndufo amaakebiaña ato ke mme abiaña-abiaña udọñ, nọ enam ndufo edo ufa ke akikere ndufo; enyʌñ eben ufa idem esịne, e-ekebotto nọ aba nte Abasi ke nnen-nnen ido ye adisana uwem.

Idomo afịd ukeme adidiana keed ke Sịbidịd ato ke emem i-idianna ndufo keed.

Ke ntoro Krais ke idem amọ akenọọ mme abọsịd, mme prọfed, mme ifanyere, usʌk mme akwọrọikọ ye mme andikpeeb, adibeeñe ikọd amọ idem nnịm nnọ utom unọ unwam, nọ ekan ebọp adisana idem Krais, a-adooho ufọkabasi tutu afịd ñnyịn inie adidiana keed ke mbuọdidem ye ifiọk ke Ayịn Abasi inyʌñ inie ndiọọñọidem isịm afịd uyọhọ Krais.

Ndin ñnyịn idiidooho nsek nditọ a-afịm anəkko aka iso ye edem, ndin afịm ukpeeb ye afịd ñkara ye ndukanna mme awo ke nsu ammọ iben ñnyịn atọ ke nnasia ye ufiin. Utu ke ado, ke aditañ akpanikọ ke ima, ke afịd usʌñ ñnyịn iyaikọt inyʌñ ikpoon idʌk ke idem anye a-adooho iwuod, a-adooho Krais.