Popular Bible Verses from Udiana Ñwed Tesalonia 2

Share

Ikiiyak awo ndomokeed ibiaña ndufo ke baaba usʌñ ndomokeed, sia usen ado idiidiighe, ibọhọke ndutịme aba ndin enyʌñ eyaara awo abiad mbed, awo e-enịmme enọ nsobo.

Ado akpena afịd-afịd ini ñnyịn ikọọm Abasi ke ntak ndufo, mme nditọeka ke Krais A-Abasi amaaha, sia tọọñọ ke aditọọñọ Abasi amaimek ndufo adibọ adinyaaña nto ke utom adinam asana ake Sịbidịd ye ke adinịm ke akpanikọ.

Anye ayaabiọọñọ anyʌñ abenne idem amọ akọñ akan afịd se ekoot Abasi me se ekpono, nọ anye aben idem amọ adot ke tembịd Abasi, anyʌñ asian idem amọ anwa-anwa nte Abasi.

Yak Abọọñ ñnyịn Yisọs Krais ke idem amọ ye Abasi Ete ñnyịn, a-akimaaha ñnyịn, ndin ke mfọn amọ inọ ñnyịn nsi-nsi nsọọñọidem ye eti idodanyen, isọọñọ ndufo esịd anyʌñ inọ ndufo adudu ke afịd nti adinam ye ikọ.

Ke ntak ami ke Abasi anọ ammọ ekamba abiaña nọ ato do ammọ enịm nsu ami ke akpanikọ

Adidi abiad mbed ayaasaña akekem ye utom Setan. Anye ayaakama mme nsio-nsio adudu abiaña e-esañake ye mme idiọọñọ ye mme ñkpọ ñkpaidem, ye afịd usʌñ abiaña i-ibak akamake ayaañ mbon e-ediitak. Ammọ etak sia ammọ emaesịn adima akpanikọ ñnyʌñ mbọọ adinyaaña.

Sia ndedịbe adudu ubiad mbed mmọdo ababa idahami, ado andimʌm anye ñkama ayaakaiso anam ntoro tutu eben anye efep.