Popular Bible Verses from NÚMEROS 14

Share

Chaimanta Mandac Diosta ama piñachichicchu. Chai llactapi causaccunatapish mana manchanachu canchic. Ñucanchicca paicunataca tandata micuc shinami tucuchishun. Paicunata llaquishpa ayudacpish, mana tiyanchu. Cutin ñucanchicca Mandac Diostami charinchic. ¡Chaimanta ama manchaichicchu!— nirca.

“Mana utca piñaric, yallita cuyacmi cani. Millaita ruhuaccunatapish, mana cazuccunapish perdonac, shina cashpapish mana allita ruhuashcataca mana saquishpa llaquichicmi cani. Taitacuna millaita ruhuashcamantaca huahuacunatami quimsaniqui, chuscuniqui miraicaman llaquichic cani” nishcanguimi.

Mandac Dios ñucanchicman chai allpata cusha nishpaca paillatac cungallami. Chai llactaca lechepish, mishquipish yacu shina callpacuc llactami.

Shina cacpipish, ñucata servic Calebca shuctac yuyaiyuc cashpami ñuca nishcata uyashpa, ñucata catishpa, risha nirca. Chaimantami paitaca ricumushca llactamanca yaicuchisha. Chashnallatac paipac huahua huahuacunami chai allpataca japinga.

Chaimanta paicunataca: “Mandac Dios ñucaca: ‘Ñuca shutipimi nini: Israelcuna rimashcata ñuca ringri uyashca shinami paicunataca ruhuagrini.

Chaipimi Mandac Diosca Moisestaca: —¿Maicamantac cai gentecunaca piñachishpa catigrin? Paicunapac ñaupallapitac ricuchinacunata ruhuashpa ricuchicucpipish, ¿manachu crincuna?

Israelcuna Moisestapish, Aarontapish rimashpaca: «¡Egipto llactallapitac huañushca cashpachari alli canchicman carca! ¡Mana cashpaca cai shitashca pambapi huañushpachari alli canchicman!

Chaipica chai llactata ricungapac ricpuramanta Nunpac churi Josuepish, Jefonepac churi Calebpish llaquirishpami churanata lliquirishpa, tandanacushca israelcunataca: —Ñucanchic ricungapac rishca allpaca mai alli llactami.

Ñuca shutipimi nini. Ñuca causacushca shinallatacmi ñucapac sumaimana achicca cai pachapipish jundami can. Ñuca poderhuan ricuchishcacunata ricuccunapish, Egipto llactapi, cai shitashca pambapi ruhuashcata ricuccunapish, ñuca nishcata mana cazushpa, chunga cutincaman pandachisha niccunapish ñaupa taitacunaman ñuca cushami nishca allpataca pi mana ricungacunachu. Ñucata yangapi churaccunaca mana ricungachu.