Popular Bible Verses from NÚMEROS 13

Share

Shina nicpimi, Calebca Moisespac ñaupapi tucui israelcunata upallachishpa: —¡Cunanca, chai llactata quichungapac jacuchic! ¡Ñucanchicmi chai llactapi causaccunata atishpa sinchicuna canchic!— nirca.

Chashnallatac Anacpac manchana jatun churicunatapish ricurcanchicmi. Paicunaca yalli jatuncunami. Paicunahuan chimbapuracpica, ñucanchicca shuc curu shinallami carcanchic. Paicunapish ñucanchictaca chashnallatacmi ricurca— nirca.

Shina nicpipish, paihuan riccunaca: —¡Ñucanchicca chai gentecunataca mana ati pudishunchu! ¡Paicunaca ñucanchicta yalli sinchicunami!— nirca.

Chai runacunaca chai llactata mana alli nishpami israelcunataca: —Ñucanchic ricungapac rishca llactaca yarcaihuan huañuna allpami cashca. Chaipi causaccunapish yalli jatun gentecunami.

paicunaca: «Can ricumuchun cachashca llactataca ricumunchicmi. Chai llactapica lechepish, mishquipish yacu shina callpacucmi cashca. Riqui, cai granocunatami chaimanta apamunchic.

Shina cacpipish, chai llactapi causaccunaca sinchi runacunami. Chai llacta huasicunapish jatun huasicunami, muyundita pircashcami can. Anacpac huahua huahuacunami chaipica causac cashca.

Neguevpica amalecitacunami causan. Cutin urcucunapica heteocuna, jebuseocuna, amorreocunami causan. Mama cucha pambacunapi, Jordán yacu muyundi pambacunapica cananeocunami causan» nirca.

Shina cutimushpaca, Paranpi cac Cades shitashca pambapi Moisespish, Aaronpish, tucui israelcunapish cacpimi chayamurca. Chaipimi paicunamanpish, tucui israelcunamanpish ima shina cashcata tucui huillarca. Shinallatac chai llactapi pucushcacunatapish ricuchishpami