Popular Bible Verses from ÉXODO 8

Share

Chaita ricushpaca, brujocunapish paicuna ruhuac cashca shinallatacmi piliscunata ruhuanata munarca. Ashtahuanpish chaita ruhuanataca mana pudircachu. Piliscunami gentecunapipish, animalcunapipish jundarca. Chaimantami brujocunaca Faraontaca: —¡Caicunaca Dios ruhuashcami!— nirca. Shina nicpipish, Faraonca Mandac Dios nishca shinallatacmi sinchi shungu tucushpa, mana cazurca.

Mandac Diosca Moisestaca: —Faraonpacman rishpa: “Mandac Diosca: ‘Ñuca acllashca israelcuna ñucata servingapac richun saqui.

Ña llaquicuna mana tiyacpica, cutinllatacmi Faraonca sinchi shungu tucurca. Chaimantami Moisestapish, Aarontapish Mandac Dios nishca shina, mana cazurca.

Can paicunata mana cacharicpica, ñucami cambac tucui llactacunata sapocunahuan llaquichisha.

Chaimantami Mandac Diosca Moisestaca: —Aarontaca: “Tucui Egipto llactapi piliscuna jundachun, varahuan ñuto allpapi huactai” ningui— nirca.

Mandac Diosca chashnami ruhuarca. Chuspicunaca puyu shina shamushpami, Faraonpac, paita serviccunapac, tucui Egiptopi causaccunapac huasipipish jundarca. Chashnami tucui Egipto llactapi jundarca.