Popular Bible Verses from ÉXODO 7

Share

Chaimantami Mandac Diosca Moisestaca: —Riqui, cantaca ñucapac randi Faraonhuan parlachunmi churani. Cutin cambac huauqui Aaronca canmanta huillacmi canga.

Ñucami Faraonpac shungutaca sinchiyachisha. Chaimantami Egiptopica mancharina ricuchinacunata ruhuashpa ricuchisha. Faraonca cancuna nishcataca mana uyangachu. Shina cacpipish, Egiptopi causaccunataca ñuca maquihuan llaquichishpami llucchisha. Ñuca acllashca israelcunataca sumacta tandachishpami llucchisha.

Egiptopi causaccunapac chaupimanta israelcuna ñuca maquihuan llucchicpimi, Egipto runacunaca ñucataca Mandac Dios cashcata yachangacuna— nirca.

Chaimantami Faraonpish Egiptopi causac yachaccunata, brujocunata cayarca. Paicunaca Egiptopi causac yachaccuna shinallatacmi ruhuarca. Paicunapac quiquin varata pambapi shitacpica, tucui varacunami culebra tucurca. Ashtahuanpish Aaronpac varaca paicunapac varacunata tucuimi micurca.

Mandac Diosca: ‘Cunanmi ñuca pi cashcata yachangui’ ninmi. Ñuca maquipi charicuc varahuan yacupi huactacpica, yacuca yahuarmi tucunga.

—Faraón: “Milagrocunata ruhuashpa ricuchi” nicpica, canca Aarontaca: “Culebra tucuchun, Faraonpac ñaupapi cambac varata shitai” ningui— nirca. Moisespish, Aaronpish Faraonpac ñaupaman rishpaca, Mandac Dios mandashca shinallatacmi ruhuarca. Chaipimi Aaronca Faraonpac, paita serviccunapac ñaupaman rishpa, paipac varata shitarca. Chaipica, varaca culebrami tucurca.