Popular Bible Verses from Сыкадыипэ́н 22

Share

Мэ сом Альфа и Омега, Пэ́рво и Палатуно́, Англыпэ́н и Ко́нцо (Яго́ро).

“Акэ, Мэ ява́ва сы́гэс (ракирэ́ла Христо́со), – соб (кай) Мэ тэ отдав палэ кажнонэ́скэ пир дова́, со ёв кэрдя́.

Ду́хо (Фа́но) и тэрны́ пхэнэ́на: “Яв!” И мэк о одова́, кон шунэ́ла, тэ пхэнэ́л: “Яв!” И мэк одова́, конэ́стэ исын смэ́га, тэ пьел джиибна́скиро пани́ би ловэнгиро.

Бахталэ́ исын одолэ́, савэ́ рикирэнапэ кэ Лэ́скирэ припхэныбэна́, соб (кай) лэ́ндэ тэ явэ́л право кэ джиибна́скиро кашт (дрэ́во), и соб (кай) тэ заджа́л дро фо́ро пир по́рта.

И, акэ, Мэ ява́ва сыгэс”, – ракирэ́ла Христо́со. “Бахтало́ исын кодова́, кон ракхэ́ла пророчытка лава́ лылварьякирэ пхэныбнастыр пал дова́, со явэ́ла анги́л.”

И рат на явэ́ла буты́р и лэ́нгэ на явэ́ла трэй лампакиро дуд (свэ́то) и дуд кхамэстыр, пал-дова́ со Рай Дэвэ́л явэ́ла тэ дэл лэ́нгэ дуд. И ёнэ явэ́на тэ кралинэн пэ сарэ́ ве́ки.

Одова́, Кон допхэнэ́ла саро́ кадава́, ракирэ́ла: “Чачо́. Мэ ява́ва сыг.” Ами́нь. Яв, Раё Дэ́вла, Ису́со. Мэк бахталыпэ́н Ра́скирэ-Дэвлэ́скирэ, Исусо́скиро Христосо́скиро тэ явэ́л тумэ́нца.

Мэ допхэнава кажнонэ́скэ, кон шунэ́ла лава́ далэ́ лылварьякирэ пхэныбнастыр пал дова́, со явэ́ла анги́л, со исын дро сви́тко тэ ракхэлпэ: ко́ли вари-кон пхэнэ́ла лишнима кэ дава́ пхэныбэ́н, со явэ́ла анги́л, тэды Дэвэ́л бичхавэ́ла фра́нсы пэ кодолэстэ, пал со исын чхиндло́ дро дава́ лылварьякиро сви́тко. И ко́ли вари-кон отлэла вари-со далэ́ лылварья́кирэ пхэныбна́стыр, со явэ́ла анги́л, тэды Дэвэ́л отлэла лэ́скиро штэ́то джиибна́скирэ каштэ́стыр (дрэвостыр) дро свэ́нто фо́ро, пал со исын чхиндло́ дро дава́ лылварья́киро сви́тко.