Popular Bible Verses from Сыкадыипэ́н 21

Share

И Дэвэ́л выкхосэла кажно ясвин лэ́нгирэ якхэ́ндыр. Мэрибэ́н буты́р на явэ́ла, ни ту́га, ни роибэ́н, ни дукх. Пал-дова́ со саро́, со сыс анги́л, хасия́.”

И, Кодова́, Кон сыс бэшто́ пэ троно, пхэндя́: “Акэ, мэ кэра́ва саро́ нэво́.” И адя́кэ-паць пхэнэ́ла ма́нгэ: “Зачхин, пал-дова́ со кадалэ́ лава́ исын чачунэ́ и патяибнытка.”

И мэ шундём зоралы́ зан троностыр, со пхэндя́: “Акэ, исын Дэвлэ́скири ша́тра кхэтанэ́ манушэ́нца! Ёв явэ́ла тэ дживэ́л лэ́нца, и ёнэ явэ́на Лэ́скирэ мануша́. Кокоро́ Дэвэ́л явэ́ла лэ́нца и Ёв явэ́ла лэ́нгиро Дэвэ́л.

И Ёв пхэндя́ ма́нгэ: “Кэрдя́пэ кэ ко́нцо (яго́ро) (сполниндяпэ). Мэ сом Альфа и Омега, Англыпэ́н и Ко́нцо (Яго́ро). Одолэ́скэ, конэ́стэ исын смэга (жажда), Мэ да́ва тэ пьел джиибна́скирэ-панё́скирэ ґанынгорьятыр би ловэнгиро.

Одова́, кон лэ́ла упралыпэ́н, прилэ́ла дава́ мэкно́ миштыпэ́н Ма́ндыр: Мэ ява́ва лэ́скэ Дэвэ́л, и ёв явэ́ла Миро Чхаво́.

А даранду́ки, напатяибна́скирэ, магирдэ́ дро вари-со, замарибна́рья; одолэ́, кон кэрдя́ биладжаипэ́н, човаханэ́, кон клониндяпэ патыва́са (кэрдэ шэрэ́са) идолэ́нгэ, хохаибна́рья-лэ́нгири паш явэ́ла кхэтанэ́ дро зеро (озеро), со хачола яга́са и дзэвэля́са (сераса); дава́ исын-яви́р мэрибэ́н.”

И мэ дыкхцём нэво́ болыбэ́н и нэви́ пхув. Пэ́рво болыбэ́н и пэ́рво пхув хасинэ́ и мо́рё (дэрья́в) буты́р нанэ.

И мэ, Иа́но, дыкхцём Свэ́нто Фо́ро, нэво́ Ерусалимо, саво́ джа́лас тэлэ́ Дэвлэ́стыр болыбна́стыр. Фо́ро сыс скэдыно́ и шукар уридо́ сы́рбы тэрны́ ваш ла́кирэ ромэ́скэ.

Фороскэ на трэй ни кхам, ни чхон тэ дэл дуд (свэ́то), соб (кай) тэ зяинэл дро лэ́стэ. Дэвлэ́скири ярко сла́ва зяинэла дудэ́са дро фо́ро и Бакроро́ исын сы́рбы момолы́тко (свети́льнико). И манушы́тка народы явэ́на тэ псирэ́н форо́скирэ дудэ́стыр, а кра́лья пэ пхув янэ́на пэ́скиро миштыпэ́н.