Popular Bible Verses from Псалм 35

Share

Давидо́скиро Пса́лмо. О тэрдёв дро миро рэ́ндо, Раё Дэ́вла, одолэнца, савэ́ чингардэнапэ ма́нца; джа́ марибна́са пэ одолэ́ндэ, савэ́ марэнапэ ма́нца.

Мэк тэ радынэ́нпэ зоралэ́с и тэ явэ́н весе́ла (лошалэ́) одолэ́, савэ́ древа́н мангэна, соб (кай) мэ тэ явав бибангипнаскиро, мэк ёнэ тэ ракирэ́н ўса́ды (сак): “Мэк тэ явэ́л ґаздыно́ шарибэ́н Ра́скэ-Дэвлэ́скэ, Саво́ жычынэла кучипэ́н Пэ́скирэ писхари́скэ.”

И мири́ чиб явэ́ла тэ ракирал пал Тыро́ чачипэ́н, и явэ́ла тэ шарэл Тут со дывэ́с.

Сарэ́ мирэ́ кокалы́ сы́рбы пхэнэ́на кхэтанэ́ ма́нца: “Раё Дэ́вла, кон жа исын дасаво, саво́ подджа́ла пэ Ту́тэ. Ту зракхэ́са бизорья́кирэ манушэ́с одолэ́стыр, кон исын зоралэды́р лэ́стыр; Ту зракхэ́са одолэ́с, саво́ хала́ дукха́ и савэ́с тасавэна; кодолэ́с, саво́ исын дрэ трэ́бима одолэ́стыр, кон чорэла лэ́стыр.”