Popular Bible Verses from Псалм 34

Share

Патяибнаскирэ мануша́ кхарэ́на Рас-Дэвлэ́с и Ёв шунэ́ла, И Ёв зракхэ́ла лэн сарэ́ лэ́нгирэ пхарипнастыр.

Шарэ́н и славинэ́н Рас-Дэвлэ́с ма́нца, ява́са кхэтанэ́ тэ барьякирас Лэ́скиро лав.

Рай Дэвэ́л исын пашы́л одолэ́ндэ, савэ́ндэ исын пхаро́ пэ ило́, и Ёв зракхэ́ла одолэ́н, кон дандырэла пэ́скиро ило́ пал грэ́хо.

Лэ́скиро Янго́ло обджала трусця́л и ракхэ́ла сарэ́н, конэ́стэ исын трашаибэ́н анги́л Растэ-Дэвлэ́стэ и зракхэ́ла лэн.

Мэ мангдёмпэ Ра́скэ-Дэвлэ́скэ и Ёв отпхэндя́ ма́нгэ, и Ёв зракхця́ ман мирэ́ трашаибнэндыр.

Рай Дэвэ́л отрискирэла Пэ́скиро муй одолэ́ндыр, кон кэрэ́ла чорипэ́н, соб (кай) тэ отчингирэлпэ рипирибэ́н пал лэ́ндэ пхувья́тыр.

Чороро́ ману́ш кхардя́ Лэс и Рай Дэвэ́л шундя́, и зракхця́ лэс сарэ́ лэ́скирэ пхарипнэндыр.

То обрикирэс пэ́скири чиб фуе́ лавэ́ндыр и пэ́скирэ ушта́ хоханэ́ лавэ́ндыр

Конэ́скэ исын дро́го джиибэ́н и конэ́скэ исын дро́го тэ дыкхэ́л лачхэ́ дывэса́?

ракх пэс тэ кэрэ́с фуипэ́н, кэр лачхипэ́н; ро́дэ рама́нё (миро) и прилэ́ зор тэ латхэс Лэс.

Миро ди явэ́ла тэ шарэлпэ Ра́са-Дэвлэ́са. Мануша́, савэ́ ха́на мэ́ньки, шунэ́на пал дава́ и явэ́на тэ радынэ́нпэ.