Popular Bible Verses from Псалм 143

Share

Сыкля́кир ман тэ кэра́в пир Тыри́ во́ля, пал-дова́ со Ту сан миро Дэвэ́л; мэк Тыро́ лачхо́ Ду́хо (Фа́но) тэ лыджа́л ман пэ чачипнаскири пхув.

Кэр, соб (кай) мэ тэ шунав пал Тыри́ лачхэ́-илы́ткима тасярлатыр (ранкостыр), пал-дова́ со мэ зоралэ́с патя́ва дрэ Ту́тэ. Кэр адя́кэ, соб (кай) мэ тэ джина́в дром, савэ́са тэ псирав, пал-дова́ со мэ ґазда́ва миро ди кэ Ту.

О, Раё Дэ́вла! Зра́кх ман мирэ́ вэргэ́ндыр: пал-дова́ со мэ кэ Ту нашава тэ гарадёвав.

О, Раё Дэ́вла! Ваш Тыро́ лав, джидя́кир нэвэ́стыр ман. Лы́джа ман криг пхарипнастыр пир Тыро́ чачипэ́н.

Давидо́скиро Пса́лмо. Раё Дэ́вла, шун мири́ па́тери (моли́тва) Ту́кэ, причху́в кан кэ дова́, пал со мэ манга́ва! Отпхэн ма́нгэ Тырэ́ патяибнастыр, Тырэ́ чачипнастыр.

Отпхэн сы́гэс ма́нгэ, о Раё Дэ́вла! Миро ду́хо (фа́но) замэрэла; на гарав Тыро́ муй ма́ндыр, соб (кай) ма́нгэ тэ на явав сы́рбы кодолэ́, савэ́ джа́на тэлэ́ дрэ ґанби́н (яма).

Мэ рипирава ґаратунэ́ бэрша́, мэ розлава сарэ́ Тырэ́ бутя́; мэ роздуминава хор пал Тырэ́-вастэнгирэ бутя́.