Popular Bible Verses from Притчы 3

Share

Патя зоралэ́с дрэ Растэ-Дэвлэ́стэ сарэ́ тырэ́ илэ́стыр, на древа́н допатя пэ́скирэ годыпнаскэ. Ри́пир пал Растэ-Дэвлэ́стэ, соб (кай) ту тэ на кэрэсас, и Ёв мамуякирэла (кэрэ́ла прямонэса) тыро́ дром.

На сыка́в пэс годэдыр, сыр ту сан: дар Ра́стыр-Дэвлэ́стыр и дурьёв чорипна́стыр.

Дэ паты́в Ра́скэ-Дэвлэ́скэ сарэ́ тырэ́ миштыпна́стыр, и пэрвонэ́ барьякирдэндыр (плодэндыр), со ту́тэ выбарьёна; и тырэ́ шурны явэ́на пхэрдэ́ пхэрдэ́с и тырэ́ пресы явэ́на тэ пиричхувэнпэ моляса (виноса).

Мэк тэ на мэкэ́н тут лачхэ́-илы́ткима и чачипэ́н; пхандэ лэн трусця́л мэн, зачхин лэн пэ тыро́ ило́ сы́рбы пэ таблицы тырэ́ илэ́скирэ

Ми́ро чхава! На дыкх вучипна́стыр, ке́ли Рай Дэвэ́л пхарэ́с сыклякирэ́ла тут, адя́кэ-паць и на холясов зоралэ́с, сыр Ёв сыклякирэ́ла дукханэс пал доша: пал-дова́ со Рай Дэвэ́л сыклякирэ́ла дукханэс пал доша (промэкибэна) кодолэ́с, кон исын дро́го Лэ́скэ, адя́кэ-паць сы́рбы дад чхавэ́с, савэ́скэ Ёв зоралэ́с радынэ́лапэ.

Миро чхава! На бистыр, сыр мэ сыклякирава тут, мэк тыро́ ило́ тэ ракхэ́л (тэ рикирэлпэ) кэ мирэ́ припхэныбэна́, пал-дова́ со буты́р дывэса́ тэ дживэ́с, длэнго джиибэ́н и рама́нё (миро) явэ́на упралэстыр дынэ́ ту́кэ.

Бахтало́ исын кодова́ ману́ш, саво́ яця́ годо́, и ману́ш, кон яця́ бут тэ ґалёл. Дава́ исын фэдэды́р сыр тэ дорэсэс руп, дава́ исын кофиткэдыр (прибыльнэдыр) сувнака́стыр. Годыпэ́н исын дрогэдыр куч барэндыр, и сарэ́ кучипэна, со ту кэ исын дро́га, нанэ ра́вна (шэра́) годыпнаскэ.

На дэпэ палэ тэ кэрэ́с лачхипэ́н кодолэ́нгэ, савэ́нгэ трэй тэ кэрэ́с, ко́ли дава́ исын пир зор тырэ́ вастэскэ.

Рай Дэвэ́л Пэ́скирэ годыпнаса создыя́ пхув, Ёв Пэ́скирэ ґалыибнаса создыя́ болыбэ́н.