Popular Bible Verses from Притчы 16

Share

Допатя Тыри́ буты́ Ра́скэ-Дэвлэ́скэ, и тырэ́ ду́мы рисёна дро чачипэ́н.

Манушэ́скиро ило́ обдуминэла пэ́скиро дром, нэ Рай Дэвэ́л сыкавэ́ла (мамуякирэла) лэ́скиро дром.

Куч лава́ исын сыр авги́н (мэда): гудло́ ваш ди, и састыпэн ваш кокалы́.

Ману́ш придуминэла пэ́скирэ илэ́са, нэ дова́ со ёв Ра́стыр-Дэвлэ́стыр пэ дава́ отпхэнэлапэ чиба́са (чибьяса).

Кон поволинькэс (ле́нтэс) холясо́ла, исын фэды́р зоралэ́ манушэ́стыр, и одова́, кон рикирэ́ла зор пэ пэ́скиро ду́хо (фа́но), исын фэды́р одолэ́стыр, саво́ лэ́ла фо́ро.

Пхутькирибэ́н исын усады (сак) кэ хасибэ́н, ману́ш, саво́ задэлапэ, сыг пэрэ́ла.

Дрэ манушэ́скирэ якха́ сарэ́ лэ́скирэ дрома́ исын бидошэнгирэ, нэ Рай Дэвэ́л роскэдэла (важынэла) тумаро́ ду́хо (фа́но).

Кон прилэ́ла лав годя́са, одова́ латхэ́ла лачхипэ́н, и кон рисёла кэ Рай Дэвэ́л тэ зракхэлпэ, одова́ исын бахтало́.

Фэды́р тэ явэ́л на́бут, нэ дорэсно чачипна́са, сыр тэ явэ́л баро́ ко́фо, нэ начачипнаса.

Исын дром, сыр здэлапэ манушэ́скэ, соб (кай) ёв исын чачуно́, нэ ёв ладжала кэ мэрибэ́н.

Начачуно ману́ш розлыджала чинга́рд, кон гундяринэла (шэпчынэла), одова́ роскэрэла фэдыршонэ малэн.