Popular Bible Verses from Притчы 11

Share

Кон роздэла бут, одова́ явэ́ла барвало́, кон панякирэла явирэ́н, одова́ адя́кэ-паць явэ́ла панякирдо.

Екх ману́ш дэ́ла древа́н бут, нэ и лэ́скэ прибарьякирэлапэ буты́р, нэ яви́р древа́н пририкирэла пэ́скэ, и ёв ячэ́ла чорорэдыр.

Ке́ли явэ́ла пхутькирибэ́н, явэ́ла и ладж, нэ напхутькирдэ манушэ́ндэ исын годыпэ́н.

Кай на дэ́на годыпэ́н манушэ́нгэ, мануша́ пэрэ́на, нэ кай исын бут мануша́ тэ дэн годы́, тэды одо́й нанэ дар.

Чачипэ́н исын джиибна́скиро кашт (дрэ́во) сы́рбы пхабай и годо́ ману́ш притырдэла дия́.

Пхукаибнаскиро (переносчыко) роспхэнэ́ла чораханыбэн, нэ кодова́, савэ́стэ исын патяибны́тко ду́хо (фа́но), гаравэла рэ́ндо.

Лачхэ́-илэ́скиро ману́ш кэрэ́ла лачхипэ́н пэ́скирэ дескэ, а биилэскиро [холямо́-р.с.] ману́ш кэрэ́ла дош пэ́скирэ лочакэ (плотякэ).

Кон зоралэ́с патя́ла дро пэ́скиро барвалыпэ́н, одова́ пэрэ́ла, нэ чачунэ́ мануша́ явэ́на най шука́р сыр патря (листы) пэ кашт (дрэ́во).

Барвалыпэ́н на дэ́ла ни саво́ лачхипэ́н дро хасибны́тко дывэ́с, нэ чачипэ́н зракхэ́ла мэрибна́стыр.

Дэвлытконэ́-манушэ́нгиро лачхипэ́н явэ́ла тэ приракхэл лэн, нэ напатяибнаскирэ-манушэ́нгиро чорипэ́н хасякирэ́ла лэн.

Сувнакуны́ ангрусты дро балычэнгиро накх (пятако) исын дова́-паць, сыр исын шука́р джувлы́, сави́ бут на ґалёла.

Начачунэ ублады́тка (весы) исын джунгалэ́ Ра́скэ-Дэвлэ́скэ, нэ чачуно́ пхарипэ́н ваш весо зоралэ́с радынэла Лэс.