Popular Bible Verses from Притчы 10

Share

Ра́скирэ-Дэвлэ́скиро бахтякирибэ́н барьякирэ́ла манушэ́с, ёв нисо́ на могинэ́ла тэ причхувэл кэ дава́, кэри буты́ пхарэ́с.

Кай ракирэ́на бут лава́, одо́й и чорипэ́н пхэнэ́на: нэ кон обрикирэла пэ́скирэ ушта́, одова́ исын годо́ ману́ш.

Зорало́ накамибэн ґаздэ́ла кошыбэ́н, паты́в кэ яви́р мануша́ зачхакирэла сарэ́ грэ́хи.

Одова́ ману́ш, савэ́стэ исын кирначо (лениво) васт, явэ́ла чороро́, нэ добусово (старательно) васт барвалякирэла манушэ́с.

Одова́, саво́ рикирэ́лапэ кэ сыклякирибэ́н, исын пэ дром кэ джиибэ́н, нэ кодова́, кон на прилэ́ла кэ годы́, ке́ли лэ́скэ сыкавэ́на банг, джа́ла дрэ риг далэ́ дромэ́стыр.

Кодова́ ману́ш, саво́ кэрэ́ла бидошэнгирэс, псирэ́ла бидаракиро; нэ кодова́ ману́ш, саво́ псирэ́ла бангэ́ дромэ́са, явэ́ла ухтылдо ваш ка́ра.

Кон дарэ́ла Ра́стыр-Дэвлэ́стыр, кодова́ дживэ́ла ґарэдыр (длугэдыр), нэ фуй мануша́ мэрэ́на сыгэды́р.

Рай Дэвэ́л на домэкэла, соб (кай) чачуно́ ману́ш тэ бокхалёл, нэ Ёв на прилэ́ла дова́, со древа́н трэй надэвлытконэ манушэ́нгэ.

Рискирибнаскири балва́л (вихро) проджа́ла и фуй мануша́ буты́р на явэ́на, нэ чачуно́ ману́ш исын пэ ве́чно фунда́менто.