Popular Bible Verses from Езэкилё 8

Share

Ёв протырдыя́ сы́рбы васт, и лыя́ ман пал бала́ пэ миро шэро́. И ґаздыя́ ман Ду́хо (Фа́но) машки́р пхув и болыбэ́н, и лыджия́ ман дрэ Дэвлэ́скирэ дыкхибэна кэ фо́ро Ерусалимо кэ загиибэ́н пашы́л вуда́р, саво́ сыс чхудо пэ паш-рат (северо), кай сыс чхудо идоло; саво́ выкхарэла зэвлыныпэ́н.

И пхэндя́ Ёв ма́нгэ “Дыкхэ́с ці, со кэрэ́на Израилёскирэ кхэрэ́скирэ барэдыра дро калыпэ́н (тёмныма) рат, со кэрэ́ла кажно лэ́ндыр дрэ пэ́скири шту́ба, кай исын и́долы? Ёнэ ракирэ́на: “На дыкхэ́ла амэн Рай Дэвэ́л, Дэвэ́л, ячадя Рай Дэвэ́л, Дэвэ́л дая́ пхув”

Пал дова́ Мэ ява́ва тэ кэра́в холямипнаса: на потангинэла Мири́ якх, и на поковлёла Миро ило́. Мэк ёнэ тэ годлэн дрэ Мирэ́ кана́ зоралэ́ заня́са, нэ Мэ на шунава лэн.”