Popular Bible Verses from Езэкилё 7

Share

Пэ́скиро руп вычхурдэна ёнэ пэ вули́ца (га́са), сувнака́й на явэ́ла лэ́нгэ трэй. Лэ́нгирэ руп и сувнака́й на зракхэна лэн дро дывэ́с, ко́ли явэ́ла Ра́скирэ-Дэвлэ́скиро холямипэн. Ёнэ на чаравэна лэ́нца лэ́скиро ди, и на пхэрдякирэна лэ́нца пэ́скиро пэр, пал-дова́ со руп и сувнака́й долыджинэ лэн кэ чорипэ́н.

О кра́ли явэ́ла тэ тугинэл, тхагарис учхакирна бала́, манушэ́ндэ, со исын пэ пхув, явэ́на тэ издран васта́. Мэ кэра́ва лэ́нца пир лэ́нгирэ дрома́, Мэ ява́ва тэ сэндякирав лэн пир лэ́нгирэ сэнды, и ёнэ ґалёна, со Мэ сом Рай Дэвэ́л, Дэвэ́л.’”

И на потангинэла тут Мири́ якх, и Миро ило́ на ковлёла кэ ту. Мэ отда́ва палэ ту́кэ пир тырэ́ дрома́, и джунгалыпэна тырэ́ явэ́на ту́са, и ґалёна, со Мэ сом Рай Дэвэ́л, Дэвэ́л.’

И на потангинэла тут Мири́ якх, и Миро ило́ на ковлёла кэ ту. Мэ отда́ва палэ ту́кэ пир тырэ́ дрома́, и чорипэна тырэ́ явэ́на ту́са, и тумэ́ ґалёна, со Мэ сом Рай Дэвэ́л, Дэвэ́л, Саво́ пхарэ́с сэндякирэ́ла.