Popular Bible Verses from 1 Иан 5

Share

И ґа́да, исын муршыпэн, саво́ исын амэ́ндэ дрэ Дэвлэ́стэ, со ко́ли амэ мангаса вари-со пир Лэ́скири во́ля, Ёв шунэ́ла амэн.

И ко́ли амэ джина́са, со Ёв шунэ́ла амэн, пал со амэ мангаса, амэ джина́са и дова́, со Ёв кандэ́ла амаро́ мангипэ́н, ке́ли амэ мангдям Лэс.

И амари́ паты́в и ило́ кэ Дэвэ́л исын кадасавэ́; соб (кай) амэ тэ ракхас Лэ́скиро припхэныбэ́н. И Лэ́скирэ припхэныбэна́ исын напхарэ. Пал-дова́ со кажно ману́ш, кон исын Дэвлэ́скиро чхаво́, пиризорьякирэла свэ́то. И амэ пиризорьякираса дава́ свэ́то амарэ́ патяибна́са.

Конэ́стэ исын Чхаво́, кодолэстэ исын дава́ джиибэ́н; конэ́стэ нанэ Дэвлэ́скирэ Чхавэ́с, кодолэстэ нанэ джиибэ́н.

Далэ́ чачипэна́ мэ чхиндём тумэ́нгэ, кон патя́ла дро Дэвлэ́скирэ-Чхавэ́скиро лав, соб (кай) тумэ́ тэ джинэ́н, со тумэ́ндэ исын ве́чно джиибэ́н.

Амэ джина́са, со кажно ману́ш, кон исын Дэвлэ́скиро чхаво́, на кэрэ́ла грэ́хи, нэ кон исын Дэвлэ́скиро чхаво́, кодова́ ракхэ́ла пэс, и на́лачхо на чилавэ́ла лэс.