Popular Bible Verses from Rimlianenge 14

Share

pal-dová so Devléskiro Kralipén-davá isyn na xabén i pibén, a čačipén, ramánjo i rádyma pir Svénto Dúho (Fáno). Pal-dová so, kon adiáke dynarinela Xristosóske, odová isyn dre rádyma Devléske i jov isyn mol šaribnaske manušéndyr.

Paldavá, kóli ame dživasa, ame dživasa vaš Devléske; a kóli ame merasa, ame merasa vaš Devléske: a paldavá, ci ame merasa, ame ŭsády (sak) sam Devléskire.

Tedy javása te pričhuvas zor te kerás dová, so lydžála ke ramánjo (miro) i ke jekh jekheskiro ĥalyibén.

Na javása butýr te sendiakiras jekh jekhés; ne fedýr javása te duminas pal dová, syr te na domekas pšaléske te zmarelpe droméstyr, te na zlydžas pšalés ke grého.

Paldavá isyn čhindló: “Me dživáva, – rakiréla Raj Devél, – angíl Mánde terdjona pe čangá manušá kažnoné rodóstyr i manušá pe kažna čibá (čibjá) pridžinena, so Me som Devél.” Tedy kažno améndyr javéla te otphenel kokoró pal péste angíl Devléste.

Manušés, savéste nane zoraló patiaibén, prilén bi phučibnaskiro.

Kon tu adasavó san, so tu sendiakiresa javire – xuláskire pisharís? Jov isyn terdó ci peréla angíl péskire xulaste. I jov nevéstyr uštéla, pal-dová so Devél moginéla te čhuvél les, sob (kaj) jov te javél terdó.