Popular Bible Verses from Sykadyipén 3

Share

Dykh! Me som terdó pašýl vudár i marava dre léste; kóli vari-kon šunéla Mirí zan i psiravela (otphandela) vudár, tedy Me zadžava andré ke jov i javáva te xav bel'veliakiro xabén lésa i jov Mánca.

Me džinóm (džináv) tyrí butý, so tu na san šylalo, i so tu na san xačkirdo. Fedýr javélas, sob (kaj) tu te javes xačkirdo ci šylalo. Paldavá so tu san tato, a tu na san šylalo ci xačkirdo, me čungardava tut Miré móstyr.

Sarénge, kon isyn drógo Mánge, Me phenáva zorjása léngiri bang i sykliakirava len ke dukhá. Paldavá jav xačkirdé ilésa ke Devél i rískir péskiro džiibén ke Jov.

Me džinóm tyrí butý. Dykh: Me čhudjom angíl túte psirado vudár i nikonéske naštý te phandel davá vudár. Túte isyn nábut zor, i tu zrakhcián Miro lav i tu na otphendianpe Mándyr.

Odolés, kon léla upralypén, Me bešliakirava les te bešél Mánca pe trono, syr i Me, kiéli Me lyjom upralypén i bescjom Miré Dadésa pe Léskiro trono.

Pal-dová so tu rakirésa: ‘Me som barvaló i me barvalyjom i mánge na trej ničý, ne tu na džinésa, so tu san bedo i bibahtaló; čororó, kororó i nango;’

Paldavá so tu rakhcian lav te vyrikires, to i Me adiáke-pac' rakhava tut mardestyr (štundatyr), kiéli javéna te propatiakiren saró svéto, sob (kaj) te propatiakiren kažnoné manušés, kon dživéla pe phuv.

Dykh, Me sýges javáva. Rikir, so isyn túte, sob (kaj) vari-kon te na lel tútyr tyrí viánka (koróna), kiéli tu lyjan upralypén.

Rakhpe i zoraliakir dová, so jaciápe túte i so meréla syg, pal-dová so Me na lathjom, sob (kaj) tyrí butý te javél pherdý angíl Miré Devléskire jakhá.