Popular Bible Verses from Pritčy 2

Share

Pal-dová so Raj Devél déla džinybén, Léskire lavéstyr javéla džinybén i ĥalyibén.

Míro čhava! Kóli tu prilesa miré lavá, i garavesa (zrakhésa) mištés miré priphenybená andré péste; adiáke, so tu prišunesape ke godypén, i riskiresa iló, sob (kaj) te ĥaljos; i, kóli tu javésa te manges zoralés péske godypén i tu riskiresa iló, sob (kaj) te ĥaljos; kóli tu javésa te pričhuves zor te lathes godypén syr rup, i tu javésa te rodes godypén syr kučipén: to tedy tu ĥaljosa, sóske trej te kutiakires ke dar Ras-Devlés, i te udžines butedýr pal Devléste.

Jov prigaravela zrakhibén (baró godypén) devlytkonenge, Jov isyn ščýto vaš odolénge (dykhéla pal odolénde), savé dživéna pir čačipén; Jov prirakhela dromore, kaj isyn čačipén manušénde, i Jov rakhéla dromá vaš Péskire sventonenge.

Pal-dová so čačipnaskire javéna te dživén pe phuv, i bidošengire jačénape pe láte, a fuj manušá javéna čhurdyné phuvjátyr, i napatiaibnaskire vykušenape látyr syr dylyny čar.

Sob (kaj) te zrakhél tut javire-romeskire romniatyr (čužonatyr), saví gudliakirela péskire lavénca, saví mekciá drogoné males péskire tyrnypnastyr, i bistyrdia péskire-Devléskiro zavieto.