Popular Bible Verses from Pritčy 12

Share

Kalypén pe iló pritasavela manušés, ne lačhó lav radynela les.

Kon kaméla, sob (kaj) les te sykliakirén, odoleska trej džinybén, a kon drieván na kaméla, syr sykavéna léskiri bang, odová isyn nagodo.

Kon rakiréla, i na duminéla, odová promarela javirés syr kurtála (sablia), ne godé-manušéngiri čib sastiakirela les.

Dylyneskiro drom isyn čačunó dre léskire jakhá, ne odová, savó kandéla, syr léske déna godypén, isyn godó.

Dylynin'ko manúš jekhátyr zoralés xoliasóla, ne baré-godiákiro sčhakirela xolý.

Kuč romný isyn sýrby koróna pe romeskiro šeró, ne kodoia, saví ladžakirela les, isyn sýrby kirnypen dre léskire kokalý.

Raj Devél rikirlape dre rig xohané uštendyr, ne odoléndyr, savé keréna pir patiaibén, Jov bahtaljola.

Čačuneske trej te vykedel malen (drugen), pal-dová so fuj manušá lydžána krig droméstyr.

Patiaibnytka lavá javéna te rikirenpe ŭsády (sak), ne xohany čib pe momiento.