Popular Bible Verses from Pritčy 10

Share

Ráskire-Devléskiro bahtiakiribén barjakiréla manušés, jov nisó na moginéla te pričhuvel ke davá, keri butý pharés.

Kaj rakiréna but lavá, odój i čoripén phenéna: ne kon obrikirela péskire uštá, odová isyn godó manúš.

Zoraló nakamiben ĥazdéla košybén, patýv ke javír manušá začhakirela saré gréhi.

Odová manúš, savéste isyn kirnačo (lienivo) vast, javéla čororó, ne dobusovo (staratiel'no) vast barvaliakirela manušés.

Odová, savó rikirélape ke sykliakiribén, isyn pe drom ke džiibén, ne kodová, kon na priléla ke godý, kiéli léske sykavéna bang, džála dre rig dalé droméstyr.

Kodová manúš, savó keréla bidošengires, psiréla bidarakiro; ne kodová manúš, savó psiréla bangé dromésa, javéla uhtyldo vaš kára.

Kon daréla Rástyr-Devléstyr, kodová dživéla ĥaredyr (dlugedyr), ne fuj manušá meréna sygedýr.

Raj Devél na domekela, sob (kaj) čačunó manúš te bokhaljol, ne Jov na priléla dová, so drieván trej nadevlytkone manušénge.

Riskiribnaskiri balvál (vihro) prodžála i fuj manušá butýr na javéna, ne čačunó manúš isyn pe viéčno fundámiento.