Popular Bible Verses from Isúso 10

Share

I terdijá kham, i čhon sys terdó, paka manušá othanas (otomstinenas) pale péskire vergénge. Ci na davá sys čhindló dre lylvarí “Čačipnaskireskiri”: ‘Terdó isyn kham maškirál bolybén i na sygniakirdiape ke zagiibén saró dyvés?’

Isúso rakirdiá ke Raj Devél dre dová-pac' dyvés, dro savó otdyjá Raj Devél Amoriejos dre vastá Izrailjoske, kiéli domardiá len dro Gavaóno, i jone domardé sys angíl Izrailjoskire-čhavéngiro jakhá, i phendiá angíl Izrail'tianende: “Terdjov, kham, pe Gavaóno, i čhon, pe dólo Aialonoskiro!”

I na sys dasavo dyvés ni angledýr, ni paló davá, dre savó Raj Devél adiáke šundiá by manušéngiri zan. Pal-davá so Raj Devél mardiápe pal Izrailjo.

I phendiá Raj Devél Isusóske: “Na dar léndyr, pal-dová so Me otdyjom len dre tyré vastá: nikón léndyr na vyterdjola angíl muj tyró”.

Isúso phendiá lénge: “Na darén i na strahadjon, javén zoralé i bidaripnaskire; pal-dová so adiáke keréla Raj Devél saré tumaré vergenca, savénca javéna te marénpe”.