Popular Bible Verses from Ióvo 2

Share

I phendiá léskiri romný léske: “Tu saroiekh rikiresape zoralés dro péskiro bibangipen. Prokoš (ker armania) Devlés i mer.” Ne jov phendiá láke: “Tu rakirésa syr jékh pharé-šereskire džuvliendyr, saví phenelas: ame adiáke-pac' doresciam lačhipén Devléstyr, i ci aménge adiáke-pac' te na prilas bibáht?” Paló saró davá Ióvo na phendiá grého péskire ušténca.

I Raj Devél phendiá nalačheske: “Ci pridykhcianpe tu pe miro dynári Ióvo? Nane nijékh manúš pe phuv, kon te javél adasavó bidošéngiro i devlýtko, savó daréla Devléstyr i obrikirela pes te na kerél bibáht? I savó saroiékh rikirélape zoralés dro péskiro bibangipen, na dykhí pe dová, so tu podhačkirdian man pe léste, sob (kaj) Me te xasiakiráv les bi pričynakiro.”

I phendiá Raj Devél nalačheske: “Ake, jov isyn dro tyró vast, ne tu zrákh léskiro džiibén.”

I javné trin Iovoskire drúgi (malá), kiéli jone šundlé pal sarí bibáht, so pyjá pe léste. I kažno (sváko) léndyr javdiá péskire štetóstyr: O Elifazo Fiemanostyr, o Vildado Savhejatyr [Šuahostyr-ju.o.], o Sofaro (Cofaro) Naamitostyr; i jone dorakirdepe te javén, sob (kaj) te tuginen lésa, i sob (kaj) te podrikiren les dro dúho (fáno). I syr jone ĥazdyné péskire jakhá durál, tedy jone na pindžkirde (na ĥalyné) les; jone dynepe te rovén zoralés. Kažno léndyr riskirdiá péskiro uribén, čhurdyjá práho upré pe bolybén pe péskiro šeró. I jone bešné khetané lésa pe phuv pe eftá (bitrinéngiro deš) dyvesá i eftá ratia, i nijékh léndyr na phendiá lav léske, pal-dová so jone dykhné, so léske sys drieván pharó.