Popular Bible Verses from Jeriemiéjo 8

Share

Ci isyn davá bal'zamo dro Galaádo? Ci nane da sastypnari odój? Sóske na sastiakirde čha mirja, miré manušengirja?

“I tu, Jeriemiéjo, phen adiáke lénge: ‘Adiáke rakiréla Raj Devél: ‘Ci manušá peréna i butýr na uštena, Ci kon risjola dre rig droméstyr, na risjola pale?

I až butiano (bus'ko) pe bolybén džinéla péskiro uphendló časo, i cuglica, i bahirka (lastočka), i žuravo dykhéla duje jakhénca pal časo, syr lénge te javén [te priurnian-r.s.]. Ne Miré manušá na džinéna Ráskire-Devléskiro čačipén.

Me prišundjompe i na šundjom, so jone rakiréna čačipén. Nikón léndyr na priĥalyja péskiro fuipén, sob (kaj) te phenél: ‘So ž da me kerdjom?’ Kažno léndyr risjola čačipnastyr péskire dromésa sýrby graj, savó čhurdelape pe maribén.

Kadalé baré-godiakire manušá isyn ladžakirdé, léngiro dúho (fáno) isyn phagirdó i jone dynepe dukhá. Ake, jone otphendepe Ráskire-Devléskire lavéstyr; i savó ž godypén isyn lénde?