Popular Bible Verses from Jeriemiéjo 20

Share

Ne Tu, Rajo Dévla, san zoralypnaskiro i trašano (bi darákiro), i Tu san pe mirí rig; paldavá vérgi, savé tradéna man, obštavenape, i jone na léna upralypén pe mánde: jone javéna ladžakirdé, pal-dová so léngire plany na udenape lénge ke mištypén [iene kerdé nagod'vares, ladž javéla lénge pe saró viéko i nijékhvar na bistrelape-r.s.]

Bagán Ráske-Devléske, šarén Ras-Devlés, pal-dová so Jov zrakhéla čororé-manušéngire dijá bibahtalé vasténdyr.

Pal-dová so, kóli me vari-kicý rakiráva, tedy, me dáva gódla, me godlava: ‘Nahratyma i xas'’ pal-dová so pal Ráskire-Devléskiro lav sanape javrí i prosana man, tén'ci phendjom [podumindjom-r.s.] me: ‘Me na javáva butýr te ripirav Léskiro lav, ci te rakiráv butýr Léskire lavéstyr, ne Léskiro lav isyn syr xačibnaskiri jag, saví isyn phandly dre miré kokalý; i Me khinyjom te rikirav les, i me na mogindjom.