Popular Bible Verses from Jeriemiéjo 11

Share

I phen lénge: ‘Adiáke rakiréla, Raj Devél, Izrailjoskiro Devél: ‘Te javén prokošybena (armania) pe manušéste, savó na šunéla lavá zavietostyr. Savó Me priphendjom tumaré dadénge te kerén dro dyvés, kiéli Me lydžijom len krig Jegiptóskire phuvjátyr, sastruné bovestyr, phení: ‘Kandén Mirí zan i kerén dová saró, syr Me priphendjom tuménge, sob (kaj) tumé te javén Miré manušá, i, sob (kaj) Me te javav tumaró Devél

Ne Tu, bolybnáskire-jangoléngiro Raj Devél, Savó sendinela pir čačipén; Savó sprobinela godý i iló, mek me te dykháv, syr Tu otdesa pale lénge: pal-dová so Túke, Rajo Dévla, me dopatiandyjom miro réndo.

Ne jone na kandyné, jone na pričhude kan, a kažno (sváko) léndyr kerdiá pir nahratyma léngire bibahtalé ilendyr: i Me janáva pe lénde saré lavá kadalé Zakonóstyr, savé Me priphendjom lénge te vypherdiakiren (te spolninen), ne jone davá na kerdé.