Popular Bible Verses from Isajos 49

Share

Ci zabistrela džuvlý (manušny) péskire bijatós, ci na potanginela péskire čhavés? Ne kóli joj bistrela, Me tut na bistrava.

Ake, Me čhindjom tut pe Miré vastá; vánty tyré saró časo isyn angíl Mánde.

Adiáke rakiréla Raj-Devél: “I otlena pliennone manušén, konés lyjá dro pliéno zoraló xalado; otlena doresybén tiranostyr (zobarostyr) i zrakhena len, pal-dová so Me láva te maravpe, tyré vergenca, i Me zrakháva tyré čhavén.

I Jov phendiá: “Davá isyn nabaró réndo vaš Túke, so tu javésa Miro pishári, sob (kaj) te dživél ródyco Jakovóskiro, sob (kaj) te risjol jačaibén Izrailjoskiro; ne davá iščo (inké) nane saró. Ne keráva Me Tut dudesa (svetosa) vaš manušénge, sob (kaj) te džinén Miro zrakhibén saré jagóry (koncy) pe phuv.”

Rádynpe, bolybén, jav lošaljov (viesielinpe), phuv; bérgi, godlen bahtiatyr: podrikirdia Raj Devél Péskiro narodo, potangindia Péskire manušén, savé stradynenas.