Popular Bible Verses from Jezekiljo 4

Share

A tu pasjov pe tyró zérvo pašvaro, čhuv pe léste Izrailjoskire-kheréskiro čoripén. Kicý dyvesá tu javésa te pasjos, adákicy dyvesá tu javésa te lydžas léngiro čoripén. Me vykedyjom túke beršá, so tu javésa te lydžas léngiro čoripén (kára): trinšelá te dešujenia dyvesá tu javésa te lydžas čoripén kheréskiro Izrailjoskiro.

Kóli tu kerésa saró adiáke, to javír mólo pasjov pe čačó (pravo) pašvaro, i štardešá dyvesá lýdža pe péste Judáskire-kheréskiro čoripén, dyvés pal berš, dyvés pal berš, syr Me vykedyjom túke.

Le péske parnó giv (givny), gersto (vorzo), nukle (boby), linsa (čečevica), proso i vika, i čhuv len dro jekh khoró, i ker léndyr péske maró. Tu javésa te xas les adákicy dyvesá, kicý javésa tu te pasjos: trin šelá te jeniadeša dyvesá.