Popular Bible Verses from Jezekiljo 3

Share

Kóli Me phenáva grehitkoné manušéske: ‘Tu merésa!’, a tu na sykliakiresa les, na phenésa, sob (kaj) te zrakhes grehitkoné manušés leskre grehitkoné droméstyr, sob (kaj) te javél jov džidó, adavá grehítko manúš meréla dre péskre gréhi, a tu javésa bangó angíl Mánde pal léskiro rat.

Ne kóli tu sykliakiresas grehitkoné manušés, a jov na jačadia péskiro grého (bedypen) i péskiro grehítko drom: to jov meréla dro péskiro čoripén, a tu zrakhcián tyró di.

“Manušéskiro čhava! Me čhudjom tut rakhibnarisa Izrailjoskire kheréske. Tu javésa te šunés lav Miré uštendyr, a tén'či tu javésa te sykliakires len Mándyr.

I nevéstyr, kóli devlýtko manúš otdžala péskre čačipnastyr i skerla čoripén, to Me čhuváva angíl léste vari-so, sóstyr jov peréla, i meréla devlýtko manúš, pal-dová so tu na sykliakiresas les. Jov meréla pal péskiro grého, i na priripirlape léskiro čačipén, so jov kerélas, a tu javésa bangó angíl Mánde dro léskiro rat.