I strenindiape Aviesalómo Davidóskire dynar'jénca, jov sys pe muloste. Kiéli mul zaprastandyja lésa tel randiá baré demboskire, tedy Aviesalómo zaplentyndiape péskire balenca dre randiá demboskire i ubladyja maškír bolybén i phuv, a mul, savó sys tel léste, nastiá. I dykhciá davá vari-kon, i phendiá Ioavoske, rakirí: “Gada, me dykhcjom Aviesalomos, ubladyi pe dembo.”