Popular Bible Verses from 1 Petr 1

Share

Mek te javél bahtiakirdó Devél Dad amaré Ráskire-Devléskiro, Isusóskire Xristosóskiro, Savó pir Péskiro baró tangipén dyjá aménge javír džiibén, kiéli otdžidiakirdiá Isusós Xristosós muléndyr, sob (kaj) aménde te javél džidy nadiéia, sob (kaj) te javél aménde paš dro nevó džiibén dro Bolybnáskiro Rajo, savó isyn viéčno, namagirdo, bigrehengiro, savó Devél rakhéla vaš tuménge.

Pal davá radynénpe kakaná, mek vari-savó časo tuménge pridžalape te piridžives mén'ki i tumen javéna te propatiakiren raznone rigéndyr, sob (kaj) davá propatiakiriben te dophenel, so tumaró patiaibén isyn čačunó i drogedyr suvnakástyr, savó usajékh isyn xasibnýtko, mek jov te javél propatiakirdo jagása, tedy tumaró patiaibén janéla tuménge šaribén i sláva, kiéli javéla nevéstyr Isúso Xristóso

ne pal-dová so Jov isyn Svénto, Savó khardiá tumen, javén kokoré svénta dro saró, so tumé keréna; pal-dová so isyn čhindló: “Javén svénta, pal-dová so Me som Svénto.”

iavén syr čhavé, savé kandéna péskire daden, i na dživén pir péskire-maséngiro tyrdypén, savó sys ĥaredyr dre tuménde, kiéli tumé na džindlé syr te dživén

Vaš davá riskirén péskiri godý te kerén lačhipén, na soven, rikirén pherdés nadiéia pe bahtiakiribén, savó javéla dynó tuménge, kiéli javéla Isúso Xristóso

Pal-dová so “kažno manúš isyn sýrby čar, i léngiri sláva isyn sýrby feldýtka luludiá (cvety), čar zašutjola i lákire luludiá otperena. Ne Devléskiro lav jačélape pe saré viéki.” Adavá isyn dová lav, savó phendiape tuménge.