Popular Bible Verses from 3 Kralip 19

Share

Paló izdrany javéla phuvjákiri jag, ne Raj Devél nane dre jag. Paló jag javéla zanori (glosori) balvaliakiri.”

I gijá jov pe čhučí phuv pe célo dyvés, i javdiá, i besciá tel veresytko xrústo. I jov mangdiápe Ráske-Devléske, sob (kaj) jov, te merél, i phendiá: “Uhtýlla (dósi) uže mánge, Rajo Dévla, le miro džiibén, pal-dová so me na som fedýr miré dadendyr.”

I phendiá Raj Devél: “Džá angíl i terdjov angíl Miro muj. I, ake, Raj Devél prodžála, i bari i zoralý balvál, saví javéla te roskušel bérgi, i saví javéla te phagirel skaly angíl Raste-Devléste; ne Raj Devél nane dre balvál. Paló balvál javéla izdrany phuvjákiri, ne Raj Devél nane dre izdrany phuvjákiri.

I sys adiáke: kiéli Ilíia šundiá, to jov učhakirdiá péskiro muj léskire plaščosa, i vygijá, i terdijá pašýl zagiibén dre ĥiebár (pieščera). I sys sýrby zanori (glosori) léske, i phendiá léske: “So kerésa tu adái, Ilíia?”

I gijá jov dre ĥiebár (pieščera) odój, i rat'kirdia odój. I, ake, sys lav Restyr-Devléstyr léske, i phendiá léske Raj Devél: “So kerésa tu adái, Ilíia?”

Adiáke jov uštyjá, i xaja, i pija, i syr jov xaja dová xabén, to gijá štardešá dyvesá i štardešá ratia ke bérga Devléskiri, Xorivo.

Tén'ci jov pasijá, i zasutia tel veresytko xrústo. I, ake, Jangólo čiladiá les i phendiá: “Uštý, xa.”

I Jangólo Ráskire-Devléskiro javdiá javír mólo, i čiladiá les i phendiá: “Uštý, xa; pal-dová so baró drom trej te džas túke.”

Jov phendiá: “Zahačijom me pal Raste-Devléste pal bolybnáskire-jangolengireste; pal-dová so čhavé Izrailjoskire mekné Tyró zaviéto, altári Tyré rosphagirdé i zamardé Tyré prorokén kurtalása; i me jacjompe jekhdžinó, ne jone rodéna te otlen miro džiibén.”

I Ilíia dykhcia syges, i, ake, pašýl léskiro šeró, sys pekny marikly, i khoró paniésa. Jov xaja, pija čalés, i nevéstyr zasutia.

I tedy bičhadiá e Jezaviel' manušés te piridel Ilijaske: “Mek dová i dová te kerén mánge devloré, kóli me ke atasiá na keráva tyré diesa dová, so kerdián tu diesa kažnonesa (svakonesa) léndyr.”

Iščo Me jačkirdjom maškír Izrail'tianende eftá tysjoncy muršén: saré dalé kherítka ródy na pyné pe čangá angíl Vaaloste, i sarengire uštá léndyr na čamudenas les.”

I durija jov odothýr, i lathiá Jelisiejos, čhavés Savatoskires, kiéli jov pašyndia; léste sys dešudúj pary oslengire tel ĥámo, i iščo (inké) pašýl léste sys dešudúj pary.

Adiáke Jelisiejo otgijá léstyr, lyjá para guruvengiri i začhindiá len, i jov zahačkirdia plugo guruvengiro, spekcia mas léngiro, i rozdyja manušénge, i jone xané. A kokoró uštyjá jov i gijá pal Ilijaste, i jaciá te dynarinél léske.

I mekciá Jelisiejo guruvén, i prastándyja pal Ilijaste, i phendiá: “De vólia mánge te čamudav miré dadés i miré da, i me džáva pal túte.” Jov phendiá: “Džá i jav pale, pal-dová so me na som pe drom túke.”