Popular Bible Verses from 1 Paralipomienono 29

Share

Tyró, Rajo Dévla, rajkanypen, i zoralypén, i sláva, i zbiérdyma (pobiéda), i saró, so isyn pe bolybén i pe phuv, isyn Tyró; Tyró, Dévla, kralipén, i Tu san vučedýr saréstyr, syr Baró Raj, Savó xulainela.

I barvalypén, i sláva Tyré móstyr, i Tu xulainesa pe saró; i dro Tyró vast zor isyn zor i zoralypén; i dre Tyrí zor te barjakires i te zoraliakires saró.

Pal-davá so kon me som, i kon miré manušá isyn, so ame mogindiam adiáke te otdas kuč priedmiéty? Ne Tútyr isyn saró, i Tyré vastéstyr doresno, so ame otdyjam Túke

I akaná, amaró Dévla, ame parikirasa Túke, i šarasa slavútno lav Tyró.

I bahtiakirdiá Davído Ras-Devlés angíl saró skedyibén, i phendiá Davído: “Te javes bahtiakirdó Tu, Rajo Dévla, Izrailjoskiro, amaré dadéskiro, viekostyr i pe viéko!