Popular Bible Verses from Marcos 16

Share

Hari. Oniaroa, va'ora honariavini adani ipohina: —Arabo hahavia avikha'a bana! Ija'ari hahavi-ra vara va'ora vani'a bana omonina jahakia.

Jesus va'ora nava'isohiki adani kidipohi: —Hora vakajari'darikia vakaabokaki jaboni ida kodibadani danoki. Hora vakajari'darikia vakaabokaki ida bajadi akara'oni-ra vahonariavini. Vani'avini: “Bajadi, Jesus ira honariavini, akara'o'a bana.” Hora vakajari'darikia vakaabokaki bana ida athii ogavaharikia vaathina. Hora vakajari'darikia vakaabokaki ida makha-ra vagathivini, va'ora ananiha ni-'banaki. Hora vakajari'dariki veneno-ra vi'aviha, ni-vamakhaniki. Hora vakajari'dariki ija'ari vakavamoniki-ra va'ora vakaabadaha, avaihotaha — va'ora ni'aha ada Jesus.

Va'ora ohonariaki adani hora vakajari'dariki vikanana, oniani ida va'ora oakava'ijoavini hija bana. Va'ora onava'isohivini hiki adani hora vakajari'daki vakadihojai asohiriki abosini-ra vagathanivini bana — va'ora ni'aha ada Jesus.

Oniaroa, ai vihi'aha adani Jesus ipohina. Ibavi hahavia vara vavani'a'ihi ida Jesus monina. Vakadika'da'di ada Jesus, oniani ida va'ora kakodiavini hija. Badani danoki-ra vakaabokavini hiki, Jesus va'ora kakodiavini. Jesus kabadani danoki-ra vanokiki adani vahoariha oniania, vakhaniha'aha: —Ka'oa oamani ida Jesus monina vara haria vani'avini hiki. Hari ida vani oamani Marcos kavarani anokhomi'ini.

Imakhinava va'ora ni'aha: —Hari'a vaimahida! Oogaki ida Jesus ava akasanakhamakia aka'itapoamisahanaki-ra avanako'dihavini. Ni-hida hojajanariha ada. Ada ahoki'aha. Vada vani'ajakosi hida aba'ona bivahoja'iki ibavini — va'ora ni'aha. Vada avani'ajakosihi ida aba'ona hojani ibavini.

Avakhanorina oadani vaabono vakanana'dohikhama'aha: —Nahina vania koda bianiki ida ja'di hodijama'oki katapani akadimoni? Avakhanona, vada vakhaniha, vanoki'ihi ida ja'di hodini kaathani katapajanarini. Ania'iki ida ja'di. Kâraho oamani ida ja'di. Ja'di hodijama'oki bodinia avi'oi'aha, vanoki'aha ada imakhinava Deua bikarona'iki hodi ka'aniajania vithina. Bikaimahaki makari vaforiki, oadaki. Vanokiha, vaimahida'aha.