Popular Bible Verses from 2 Ko̱ri̱nto̱ 5

Share

Uhu de̱de̱ Ta̱mu̱ta̱dde̱n baiz ci ol wak a̱tu̱ Ki̱ri̱sto̱ ka̱vvu̱to̱ do̱. Utungtek baiz ci reeni ogone kaal cik lo̱o̱tu̱ gerzek ke̱ lo̱o̱c, u̱tu̱gu̱zzo̱ kaal cik een jor baize cinne̱ng.

Abunna ming a̱tu̱we̱nu̱, ngen Ki̱ri̱sto̱ kabac zoz imma, Ta̱mu̱ta̱dde̱n ci anyaha nonno ki̱ki̱ya̱ ki̱ti̱ri̱z mu̱nye̱n cik ogon ol, ogon ki ci een Ye̱su̱ ele ci anyak mu̱nye̱n. Kar i̱yo̱ko̱ eci naga kowowo ki Ki̱ri̱sto̱, i̱ti̱vi̱la̱ Ta̱mu̱ta̱dde̱n mu̱nye̱n cigga̱c do̱o̱k.

Kabak ngati ka̱tu̱we̱ Ta̱mu̱ta̱dde̱n, iróng kabak ngati kacine kaal eberene.

Ta̱mu̱ta̱dde̱n ci adiman kaal cik een jor baize cinna ko̱ do̱o̱k. I̱tto̱na̱ enne Ki̱ri̱sto̱ kar ki̱ki̱ya̱ kaganizet agit ki nonno, kar kaanyyet agit li̱ngli̱ngo̱n ci kaganiza ol ki nonno. Een zin necu zoz ci gon kuwakka naga baling a̱da̱k Ki̱ri̱sto̱ ko̱ necu. Anyike Ta̱mu̱ta̱dde̱n ol do̱o̱k lo̱o̱ta̱ ngatu abunna ming anyak gano ki nonno. Iróng enne ngen azunne ba̱ci̱nno̱k balik ogon ol wak a̱tu̱we̱ ke̱. Aanyyet enne kaviyak cik kabahe naga labak ki nonno.

Ke̱e̱ggi̱nna̱ naga ol cik ka̱li̱ngli̱nge̱kka̱ Ki̱ri̱sto̱ lo̱o̱ta̱ ngatu. Ming kuwahekka ol kaviyak cik Ki̱ri̱sto̱, Ta̱mu̱ta̱dde̱n ele ci anyike ol kiziyet zoz cinna̱ng. Kilalekkung zin anna i̱ge̱t de̱de̱ zo̱ze̱ ci Ki̱ri̱sto̱, abunna ming anyakku gano ki Ta̱mu̱ta̱dde̱n.

A̱da̱i̱ Ki̱ri̱sto̱ zo̱ze̱ ci ol do̱o̱k, kar abunna ol wak aruge iróng ngen irez e̱le̱tti̱ cigge̱k do̱ niko, abarik abunna ming irez Manyi bali a̱da̱i̱ zo̱ze̱ cinne̱ng, kar Ta̱mu̱ta̱dde̱n kitingawe nonno daiza kurug bo̱do̱k. I̱yo̱ko̱ zin, ka̱gga̱yya̱ irez Ki̱ri̱sto̱ ol do̱o̱k, iróng zin naga ngen ki̱no̱na̱ ki ol do̱o̱k, ngati ol ne̱k ngen kelemtta zoz ci Ta̱mu̱ta̱dde̱no̱ ko̱. Baling ngen naga kelemtta zoz ci Ki̱ri̱sto̱, ki̱no̱ni̱ zoz cinne ki ol wak ngen kelemtta. Iróng zin naga i̱yo̱ko̱ ngen ki̱no̱na̱ kiwagon ba̱li̱ye̱ ke̱.

Eci rezinet ci Ki̱ri̱sto̱ adangeket zoz cu, ma̱rri̱t naga ka̱gga̱c a̱da̱k e̱e̱ti̱ co̱de̱ zo̱ze̱ ci ollu do̱o̱k, kar ol do̱o̱k ka̱da̱i̱to̱.