Popular Bible Verses from Markus 12

Share

Mebalimi Puang Isa nakua, “Ia joo parenta-Na Puang Allataala to kaminang parallu susi tee: ‘Ee to-Israel, pesa'dingngii! Mesa'ra to Puangta' Puang Allataala. La mupakamoja' tongan to Puangmu Puang Allataala, situru' canning atimmu, sininna kapaissenanmu na sininna kapakulleanmu ratu lako ssalaimmu lino.’ Na parenta mangpenduanna, ‘Pakamoja'i to padammu rupa tau, susi iko mpakamoja' kalemu.’ Te'damo parenta laenna to njaonannii joo dua parenta.”

Natambaimi Puang Isa to anak gurun-Na nakuanni, “La miingaran! Sitonganna ia joo baine kaasi-asi, la'bih buda ia to napatama, na ia to napatama tuu lako tau sola ngasan. Nasaba' ia tuu mati' tau mangpangben jio mai kala'bianna, apa ia tee baine kaasi-asi mangpangben jio mai kakuranganna. Napangben ngasan to la naputuona.”

Ia tonna cumadokko sioloan patti doi' sudakka to Puang Isa lan Bola Puang Allataala, nakita rampa' tee mai tau ke mpatamai doi'na. Buda tosugih mpatama sibuda doi'. Anna ratu toda to mesa' baine kaasi-asi to matemo muanena napatamai dua de'pen. Iamo doi' majiongna angga'na.

Jaji, ia to tau la mpakamoja' Puang Allataala situru' sininna kamadoanganna, sininna kapaissenanna na sininna kapakulleanna. Na la mpakamoja' too padanna rupa tau, susi ia mpakamoja' kalena. Ia joo la'bih melo, na ia to mpangkaroban apa ditunu na karoba laen lako Puang Allataala.”

Nakuamo Puang Isa, “Ia ke susii tuu, benni Tomaraja to apanna, miben tooi Puang Allataala to apan-Na!” Jangngah ngasanni ssa'dingngi joo pebalin-Na Puang Isa.