Popular Bible Verses from Matthew 25

Share

Atha tyerneyenh, ‘Atha arrenhantherr arraty ilem, arrantherr alakenh-anyem irrepern-rnem arntarnt-arek, rernem atyenh-rnem ingkerr.’

Atyetyart ranem angkek, ‘Ntwa mwerr-angkwarr mpwarek wenh! Ayeng ngkweng inkwerelheyel. Apetyay atyeng-angkwarr apmer mwerr-angkerel anetyek.’

Arraty-angkwarr apenteyel-rnem Akngeyel renh-rnem arntarnt-areyenh. Apmwangkwarr alheyel-rnem, Akngey ikwer-rnem-kety ipmelheyenh.

Jesus-el angkanem anayntilek, “Alakenh-anyem aynteyel, ayeng apey-alpeyenh arrpemarl. Arrantherr mwanty arntarnt-arelhetyek, arrantherr iterl-arey-angenharl, ilenger ayeng apey-alpeyenhan.”

Ayeng angayakwirrek, arrantherr amern anthek arlkwetyek. Ayeng angkethakwirrek, arrantherr ayenh kwaty antywetyek anthek. Ayeng alethangank, arrantherr ayenh arntarnt-arenh.

Atyetyart ranem angkek, ‘Ntwa mwerr-angkwarr mpwarek, ayeng ngkweng inkwerelheyel. Apetyay, atyeng-angkwarr apmer mwerr-angkerel anetyek.’

Ayeng arnkwek arrangkw anenharl, arrantherr ayenh arnkwa anthek. Ayeng arntetyirrek, arrantherr ayenh arntarnt-arenh. Ayeng tyayl-itwek anenharl, arrantherr atyeng-warl apetyek rwanng aretyek weth-lkwer ilkwatherr.’