Popular Bible Verses from Exodus 9

Share

Atha arrenhantherrenh atwenty, arrantherrap ingkerrenh ilwenherremarl. Aleyaw arrangkw-anemarl! Mwerr-anemarl nga, iteth-anemarl atha ngenh atnyeneyel. Atha ilek-ilek mpwarey-angker arrangkw-they, ntwa ayenh iterl-aretyek, ayeng arawerrng ilkwakert. Ingwer-rnemel angka atyenh ilerl-apeyenh apmer arrpanenh-warl, itna atyenh tnakemel.’

INGKARTel ilek Moses, “Pharaoh-warl iley-alha angka atyenh.” Kel Moses Pharaoh-warl alhek angketyek, “Alakenh INGKART rey-antey Akngey Israel-kenh-rnem-kenh ngkweng ilem, ‘Atyenh-rnem arlpaw-warl alhetyek, atyeng tnakemel inkwerelhetyek. Tyarlewa renh-rnem, arrngert angkey-angenh!’

Atha arrenhantherrenh atwenty, arrantherrap ingkerrenh ilwenherremarl. Aleyaw arrangkw-anemarl! Mwerr-anemarl nga, iteth-anemarl atha ngenh atnyeneyel. Atha ilek-ilek mpwarey-angker arrangkw-they, ntwa ayenh iterl-aretyek, ayeng arawerrng ilkwakert. Ingwer-rnemel angka atyenh ilerl-apeyenh apmer arrpanenh-warl, itna atyenh tnakemel.’

Nga apek arrngert angkenty Israel-kenh-rnem-kety. Ntwa antwerrkenty renh-rnem Egypt-itwek, INGKARTel pwenty thwenem nantew arrekantherrenh-warl, tangkey-rnem-warl, kamwerl-rnem-warl, pwelek-rnem-warl, yep-yep-rnem-warl, nanikwet-rnem arrekantherrenh-warl ingkerrenh apmer arrpanenh-warl Egypt-itwek. Atnwenth-rnem ilwenherrem ingkerrenh. Atnwenth-rnem Israel-kenh-rnem-kenh ilwenherrey-angenharl, itetharl anem. INGKARTel renh-rnem arntarnt-areyel.

Atyeng awelha! Ingwelarreng atha thwenem apwert apertew, ngkweltyeletyek apmer arrpanenh Egypt-itwek. Arrantherr alakenh apertew arey-angenh, akwerrparl. Warrkenh ngkwenh-rnem thwena apmer arrpanenh-warl. Renh-rnem ila, pwelek-rnem atnwenth ingwer-rnem-then anyenteletyek, warl ikwer-rnem-kenh-warl renh-rnem akwernetyek. Ingwepenh apertewel Egypt-itwek atwem-kety. Ingkerrenh-antey atwem-kety akethel rtneyel-rnem artwernem-then atnwenth-rnem-then. Akethel rtneyel-rnem ingkerrenh ilwenherrem.’ ” Alakenh Moses-el Pharaoh ilek.

Ikwenty ra ahern-apeny irrem, alherrpel apmer arrpanenh-warl iwem. Ahernel artem Egypt-areny-rnem atnwenth-rnem-then, artweker akngerr irrem ikwer-rnem-itwek. Artweker akngerr arlka ingkerr-warl rernem arrernelhem, tywen-angketyarr.” Ikwer-penh Moses-el-then Aaron-el-then ikwenty inek. Ratherrap Pharaoh-warl alhek. Moses-el ikwenty iwek ikwer arrwekel alker-warl. Egypt-areny-rnem ingkerrenh atnwenth-rnem ingkerrenh-then rernem artweker-akert irrek. Rernem artweker-rnem anthwek-anem.