Popular Bible Verses from Exodus 8

Share

Ikwer-penh ngangker-akert-rnem arrkernelhenh, aheny-rnem ahern-they tyerretyek-arrpantey, ikwer-rnem-kenh-angkwarr. Ywarn-antey arrkernelhenh, arrangkw. Aheny-rnem artwernem-itwek atnwenth-rnem-itwek anenh-antey. Ngangker-akert-rnem angkek-anem Pharaoh-ek, “Arrangkw nthakenh aheny-rnem mpwarey-angenh anwantherr, akwerrp anwantherr. Arawerrng rlterrk Akngey-kenhantel Aaron-el ahern-they aheny-rnem mpwarey-angker.” Pharaoh ran awerr-antey, awelhey-angenh arrangkw. Alakenh INGKART arrwekel angkek Moses-ek, Pharaoh ra awerr anerl-ayntem.

Ikwer-penh INGKARTel Moses ilek, “Iley-alha Pharaoh ikwer angka atyenh.” Kel Moses alhek Pharaoh-warl iletyek, “Alakenh INGKART ngkweng ilem, ‘Atyenh-rnem arlpaw-warl alhetyek, atyeng tnakemel inkwerelhetyek. Arrngert angkey-angenh, tyarlewa renh-rnem!

Pharaoh ra antyetyerr ipmernem arekel, ra awerr arrpemarl irrek. Moses-ek Aaron-ek-atherr awelhey-angenh arrpemarl ra irrek. Alakenh INGKART arrwekel angkek, Pharaoh ra awerr arrpemarl irrem.

Nga arrngert angkentyan, atha antyetyerr-rnem thwenem Egypt-ampeny-warl, apmer ingkerr arrngeletyek.

Ikwer-penh INGKARTel Moses ilek, “Aaron ila, ‘Irretetyel ahern atwetyek.’ Ra ahern atwentyel, aheny akngerr-anem ahern-they tyerrelhem, Egypt-ampeny-itwek apmer arrpanenhel arrngeletyek.”

Kel alakenh ayntek. INGKARTel ameng-rnem akngerr thwenek ikwer-rnem-warl. Rernem aylpenhek warl Pharaoh-kenh-warl, warl-rnem warrkenh-rnem-kenh-warl-then. Ameng akngerr inngel-anem artey-alhek Egypt-itwek.