Popular Bible Verses from MARK 9

Share

Jesus ɔbɔrɔ enye ete, Edieke ekemede ndibuɔt idem! Kpukpru ŋkpɔ ekeme ndiwɔrɔ nnɔ enye emi ɔbuɔtde idem.

Idaha oro ete eyen oro ofiori ete, Mmɔbuɔt idem; ŋwam unana mbuɔtidem mi.

Ekem ke ini Enye odukde ke ufɔk, mbet Esie ebup Enye ke ndibe ete, Nsinam nnyin mikekemeke ndibin enye nduɔk? Edi Enye ete mmɔ, Oruk emi ikemeke ndiwɔrɔ, ibɔhɔke ke akam.

Inuŋ ɔfɔn: edi inuŋ ama akabare adaba, mbufo edida nso enam enye enem? Enyene inuŋ ke esit mbufo, enyuŋ etie ke emem ye kiet eken.

onyuŋ ɔdɔhɔ mmɔ ete, Owo ekededi eke adarade kiet ke otu oruk ŋkpri nditɔwɔŋ emi ke enyiŋ Mi adara Mi: ndien owo ekededi eke adarade Mi, idige Ami ke adadara, edi Enye emi ɔkɔdɔŋde Mi.

Koro owo ekededi eke edinɔde mbufo cup mmɔŋ eŋwɔŋ ke ntak enyiŋ Mi, koro mbufo enyenede Christ, ke akpanikɔ ke ndɔhɔ mbufo, enye iditreke tre ndibɔ utip esie.

Ndien owo ekededi eke edisinde kiet ke otu ŋkpri nditɔwɔŋ emi enimde ke akpanikɔ ɔduɔ, ɔfɔn akan ye enye nte ekpadade akwa itiat ukɔk-ŋkpɔ ekɔŋɔ enye ke itɔŋ, enyuŋ etop enye eduɔk ke inyaŋ.

Onyuŋ edieke enyin fo esinde fi ɔduɔ, wubere enye duɔk: ɔfɔn fi ndida enyin kiet nduk ke Obio Ubɔŋ Abasi akan ndikpenyene enyin iba, ndien eduɔk fi ke hell