Popular Bible Verses from MARK 10

Share

Koro Eyen Owo ke Idem Esie ikedige man enam ŋkpɔ enɔ Enye, edi man Enye anam ŋkpɔ ɔnɔ owo, onyuŋ ɔnɔ uwem Esie ndifak ediwak owo.

Jesus owuk enyin ese mmɔ, ete, Owo ikemeke ndinam emi, edi Abasi emekeme: koro Abasi emekeme ndinam kpukpru ŋkpɔ.

Jesus ete enye, Ka okuo; mbuɔtidem fo ama anyaŋa fi. Ndien ndo-ndo oro enye okut usuŋ, onyuŋ etiene Enye ke usuŋ.

Mmɔdo se Abasi ama akadian, yak owo okudianare.

Edi Jesus owuk enyin ese enye, onyuŋ ama enye, ete, Ŋkpɔ kiet ɔsuhɔ fi; ka kanyam kpukpru se enyenede, yak nɔ mme ubuene, ndien enyenyene inyene ke heaven: nyuŋ di disaŋa ye Ami.

Jesus ɔbɔrɔ enye ete, Oyom ete nnam nso nnɔ fi? Nnan oro ete Enye, Rabboni, nyom nditɔŋɔ ntak ŋkut usuŋ.

Edi idige ntre ke otu mbufo: edi owo ekededi eke oyomde ndikabare ŋkpon ke otu mbufo eyedi asaŋutom mbufo

Ke akpanikɔ ke ndɔhɔ mbufo, Owo ekededi eke midibɔhɔ Obio Ubɔŋ Abasi nte ekpri eyen, ididukke duk ke esit.

Edi ediwak mmɔ eke ebemde iso eyekpere edem; mme ekpere edem eyenyuŋ ebe iso.

Edi toto ke eritɔŋɔ eribot eke Abasi obotde ŋkpɔ, Enye okobot mmɔ eren ye ŋwan. Ke ntak emi owo eyekpɔŋ ete esie ye eka esie akadiana ye ŋwan esie: ndien mmɔ mbiba eyekabare edi obuk kiet: ntre ke mmɔ idige aba owo iba, edi edi obuk kiet.